गोरखा । नवौं राष्ट्रिय खेलकुद प्रतियोगिता अन्तरर्गत गोरखा सदरमुकाममा आजदेखी बुद्विचाल (चेस) प्रतियोगिता सुरु भएको छ । नेपाल सरकार युवा तथा खेलकुद मन्त्रालयको तत्वावधान तथा राष्ट्रिय खेलकुद प्ररिषदकाृ आयोजना र गण्डकी प्रदेशको सहआयोजनामा बिहीबारदेखी गोरखा सदरमुकाममा चेस प्रतियोगिता सुरु भएको हो ।
गोरखा नगरपालिका ५ को हिलेपोखरीमा रहेको गोरखा क्याम्पस परिषरमा सुरु भएको खेलको जिल्ला समन्वय समितिका प्रमुख मोहनबहादुर थापा र गोरखा नगरपालिकाका प्रमुख कृण्णबहादुर राना मगरले ब्यानरमा संयुक्त हस्ताक्षर र चेस खेलेर उदघाट्न गरेका थिए ।
खेलमा ७ प्रदेश सहित नेपाल प्रहरी, शसत्र प्रहरी, नेपाली सेना र एनआरएन गरी ४ घरेलु समूह समेत ११ समूहको सहभागीता रहेको आयोजक कमिटि सदस्य मोनालिसा खम्बोले बताईन । उनका अनुसार महिला र पुरुष गरी ६६ जना खेलाडीहरु प्रतियोगितामा सहभागी भएका छन् ।
प्रत्येक समूहमा ३–३ जना महिला पुरुष हुने खेलमा महिला र खुल्ला गरी ६ प्रकारको खेल हुने आयोजकले जनाएको छ । जसका लागि यस अघि नै प्रदेश स्तरमा नै खेलखेलेर सेलेक्सन भएर खेलाडी गोरखा आएको पनि सदस्य खम्बाले बताए । उनका अनुसार जिल्लामा खेल उत्साह पूर्ण रुपमा सम्पन्न गराउन सुरक्षा निकायहरु दत्तचित्त रहेको पनि जानकारी दिए ।
सहभागी खेलाडीहरुलाई नेपाल प्रहरीले होटल खेल स्थलमा पूर्ण रुपमा सुरक्षा प्रदान गरिहेको जिल्ला प्रहरी कार्यालय गोरखाका प्रहरी उपरिक्षक केदार खनालले जानकारी दिए ।
प्रतियोगित अन्तर्गतर ५ दिन क्लासिकल, २ दिन रर्यापिड र १ दिन बिल्च प्रतियोगिता हुने छ । कात्र्तिक २ गते सम्पन्न हुने प्रतियोगितामा ६–६ जनाले स्वर्ण, रजत र कास्य पदक प्राप्त गर्ने छन् ।
खेल अवधिभर १ जना खेलाडीले ९ खेल खेल्नुपर्ने छ । १ खेलका लागि ३ देखी ४ घण्टा लाग्ने गर्दछ । खेलमा जित्नेले १ अंक प्राप्त गर्ने छ । भने बरावरी भएको खण्डमा दुवैले आधा–आधा अंक र हार्नेले शुन्य अंक पाउने आरविटर अर्थात निर्णायक महेश्वर डंगोलले जानकारी दिए ।
कार्यक्रममा विशेष अतिथी रहेका गोरखा नगरपालिकाका प्रमुख राना मगरले गोरखा बसाइलाई सम्झन लायकको बनाउन आग्रह गर्दै असहज भएको महशुस भए तत्काल जानकारी गराउन पनि अनुरोध गरे ।
उदघाटन कार्यक्रम जिल्ला खेलकुद बिकास समिति गोरखाले सञ्चालन गरेको थियो ।