गोरखा । गोरखाको बोर्लाङमा भएको भलिबल प्रतियोगितामा तनहुँले जित हात पारेको छ । गण्डकी प्रदेश अन्तर जिल्लास्तरिय भलिबल प्रतियोगिताको उपाधि तनहुँले हात पारेको हो ।
जिल्लामा सर्बाधिक राशी भएको तनहुँले स्याङजालाई हारएर जित हात पारेको हो । ५ सेटमा भएको खेलमा स्याङजाले २ सेटमा मात्र जित हात पारे पछि उप बिजेतामा चित्त बुझाउनु परेको थियो ।
यता जित हात पारेको तनहुँले भने १ लाख ३० हजार सहित मेडल र ट्रफी हात पारेको छ । उप बिजेता स्याङजाले भने नगद ७० हजार सहित मेडल र ट्रफिमा चित्त बुझाएको छ ।
बोर्लाङ्ग खेलकुद बिकास समितिको आयोजनामा गएको १२ गतेदेखी भएको प्रतियोगिता आज सकिएको हो ।
प्रतियोगितामा आयोजकको टिम सहित ११ जिल्लाका गरी १२ टिमको सहभागीता रहेको थियो । पुरुष तर्फको खेलमा प्रथम, द्वितिय, तृतिय र चौथो पुरस्कार स्वरुप बिजेताले क्रमश। १ लाख ३० हजार, ७० हजार, ३५ हजार र १५ हजार सहित मेडल र कप प्राप्त गरेका छन् ।
त्यस्तै गरी, महिला तर्फको खुल्ला भलिबल प्रतियो्िगता प्रथम, द्वितिय, तृतिय र चौथो हुनेले समूहले क्रमश।७०, ४०, २० र १० हजार सहित कप र मेडल प्राप्त पाएका छन् ।
भेटेरान्स तर्फ भने प्रथम र द्वितिय समूहले मात्र उपहार पाएका छन् । खेलमा प्रथम र द्वितिय हुनेले क्रमश। ४० र २५ केजीको खशी उपहार स्वरुप पाएका थिए ।
आयोजकले खेल अवधिभर पुरुष तथा महिला तर्फ राम्रो खेल प्रर्दशन गर्ने वेष्ट प्लेयर, स्पाईकर, ब्लकर, डिफेन्डर, सर्भर, सेटर र कोचलाई पनि मायाँको चिनो सहित नगद पुरस्कारले सम्मान गरेको थियो ।
बिजेता तथा सहभागीलाई समापन कार्यक्रमका प्रमुख अतिथी भीमसेन थापा गाउँपालिकाका प्रमुख लोकप्रसाद बञ्जाराले पुरस्कार बितरण गरेका थिए ।
