गोरखा । मानवसेवा आश्रम गोरखा शाखामा आश्रय लिएका बालबालिकाहरुको गोरखा नगरपालिकाले आज स्वास्थ्य बिमा गराइदिएको छ । आश्रमा आश्रित ४८ जना बालबालिका सहित ५१ जनाको स्वास्थ्य बिमा गराइएको हो ।
आश्रममा रहेका बालबालिका सहित तिनिहरुका सहयोगीहरुको शनिबार एक कार्यक्रम बिच स्वास्थ बिमा गरिदिएको गोरखा नगरपालिकाका नगरप्रमुख कृष्णबहादुर रानामगरले बताए । ‘यो बर्ष नगर क्षेत्र भित्र रहेका गरिब तथा असायहरुको स्वास्थ्य बिमा गराउने कार्यक्रम रहेको’ भन्दै नगरप्रमुख रानाले ‘आश्रममा आश्रित बालबालिकाहरुको पनि स्वास्थ्इ बिमा गराईएको हो ।’
नगरपालिकाले यो बर्षदेखी १४ वटै वडामा १० जना गरिब तथा असाय बालबालिका छनौट गरी उनीहरुको परिवार सहितको स्वास्थ्य बिमा गराउने कार्यक्रम ल्याएको छ । सोही अनुरुप गोरखा नगरपालिका ६ मा रहेको आश्रममा आश्रित बालबालिकाहरुको पनि नगरपालिकाले स्वास्थ्य बिमा गराइदिएको स्वास्थ्य शाखाका जनस्वास्थ्य निरिक्षक निश्चन अर्यालले जनाकारी दिए ।
बिमा गराए पछि स्वास्थ्य कार्ड बालबालिकालाई हात हातमा राखिदिदै नगर प्रमुख रानामगरले आश्रममा रहेका बालबालिकाहरुको स्वास्थ्य उपचारका लागि आर्थिक स्रोतको समस्या नहोस भनेर नगरपालिकाको खर्चमा बिमा गराइएको बताए । अबदेखी आश्रममा आश्रित बालबालिकाहरुको पालिकाले नै स्वास्थ बिमा गराइदिने र उनीहरुको बार्षिक नविकरण पनि गराइदिने नगर प्रमुखले जानकारी दिए ।
नगरपालिकाले गोरखा अस्पताललाई प्रमुख सेवा केन्द्रको रुपमा राखेर बालबालिकाहरुको बिमा गरेको हो । बिरामी भएको खण्डमा गोरखा अस्पतालले सेवा दिन नसकेको खण्डमा वा अस्पतालले नै बाहिर गएर उपचार गर्न सिफारिस गरेको खण्डमा पनि सोही बिमाले काम गर्ने गरी बिमा गराइएको छ ।
स्वास्थ्य बिमा गरेका बालबालिकाहरुले आउदो मंसिरदेखि १ लाखसम्म को निःशुल्क उपचार सेवा प्राप्त गर्ने नगरपालिकाको स्वास्थ्य शाखा प्रमुखले जानकारी दिएको छ ।
गोरखामा रहेको मानवसेवा आश्रमले देशैभरबाट अभिभावक बिहिन भएर उद्धार गरीएका बालबालिकाहरुको पालन पोषण र शिक्षादिक्षा प्रदान गर्दै आइरहेको आश्रमकी संयोजक मुना लामाले जानकारी दिइन ।
