गोरखा । चाडपर्वको बेला घरछाडी बाहिर जानुपर्ने अवस्था आएमा छिमेकीलाई खबर गरेर मात्र जान जिल्ला प्रशासन कार्यालय गोरखाले आग्रह गरेको छ । प्रशासनले बिहिबार सूचना जारी गर्दै घर छोडी अनेत्र जानु परेमा छिमेकीलाई जानकारी गराएर घर छोडन भनेको हो ।
कार्यालयले सूचना जारी गर्दै ‘आसन्त दशै, तिहार तथा छट जस्ता चाडपर्वको समयमा हुन सक्ने चोरी, लुटपाट, डकैती जस्ता अवाञ्छित क्रियाकलापहरु, धार्मिक÷साँस्कृतिक उत्सवका क्रममा हुनसक्ने सम्भावित झैझगडा, गैरकानूनी रुपमा सञ्चालित चिठा र अनलाइन सपिङका नाममा हुने गठी समेतबाट जोगिन सर्वसाधारणलाई यसै सूचनाद्वारा सूचित गरिन्छ’ भनिएको छ ।
त्यती मात्र नभएर प्रशासनले ‘बजारबाट बस्तु तथा सेवाको उपभोग गर्दा गुणस्तर र मूल्यसूची समेतलाई ध्यान राख्नुहुन, घर छोडी अनेत्र जानु परेमा छिमेकीलाई जानकारी गराएर घर छोडनुहसन साथै सवारी साधनको भाडामा ठगी गर्ने, यात्रुको सामानको सुरक्षमा लापरवाही गर्ने तथा जुवातास खेल्ने, मदिरा सेवन गरी झैझगडा गर्ने लगायत सर्वसाधारणको हित विपरित कुनै पनि गैरकानूनी तथा अवाञ्छित क्रियाकलापहरु भए गरेको पाईएमा यथासिघ्र प्रहरी कन्ट्रोल नं.१०० वा ९८५६०९०२५५ मा खबर गर्नुहुन अनुरोध छ’ जारी सूचनामा भनेको छ ।
कानूनले बर्जित गरेका त्यस्ता कार्य गरे गराएको पाईएमा कानून बमोजिम कारवाही गरिने पनि प्रमुख जिल्ला अधिकारी शंकरहरी आचार्यले जानकारी दिए ।