गोरखा । संबिधान दिवसको अबसर पारेर लियो क्लब अफ गोरखाको आयोजनामा गरेको खुल्ला दौड प्रतियोगितामा नवराज गुरुङ प्रथम भएका छन् ।
लक्ष्मी बजारको लियो प्रतिक्षालयदेखि गोरखाको पुरानो बसपार्क गोरखासम्मको ४ किलोमीटर दौडमा गुरुङले १८ मिनेट ५१ सेकेण्डमा पार गर्दै प्रथम भएका हुन् ।
त्यस्तै निरज भट्टले १९ मिनेट १३ सेकेण्डमा उक्त दुरि पार गर्दै दोस्रो स्थान, सन्दिप ढकालले १९ मिनेट ३२ सेकेण्डमा सो दुरी पार गर्दै तेस्रो स्थान हासिल गरेको क्लब अध्यक्ष बालकृष्ण परियारले जानकारी दिए ।
प्रतियोगितामा श्याम मग्रागीले १९ मिनेट ५३ सेकेण्डमा दुरि पार गर्दै सान्त्वना भएका थिए ।
प्रतियोगितामा प्रथम, दोस्रो, तेस्रो र सान्तवना हुनेलाई क्रमश ५ हजार, ३ हजार, २ हजार र १ हजार नगद सहित मेडल र प्रमाणपत्र प्रदान गरिएको आयोजकले जनाएको छ ।
पुरस्कृत सबैलाई गोरखा नगरपालिकाका नगर प्रमुख कृष्णबहादुर राना मगरले नगद र प्रमाण पत्र प्रदान गरेका थिए ।