गोरखा । गोरखा सदरमुकाममा आत्महत्या सम्वन्धी सचेतना कार्यक्रम सम्पन्न भएको छ ।
जिल्ला प्रहरी कार्यालय गोरखा र सामुदायिक सेवा केन्द्र गोरखाको संयुत्त आयोजनामा भएको ‘आत्महत्या रोकथा सम्वन्धी देशब्यापी सचेतना कार्यक्रमको अवधारणा २०७९’ विविध कार्यक्रम गरी सम्पन्न गरेको हो ।
भाद्र २५ गते हुने उक्त विशेष कारणले असोज २ गते आइतबार आयोजना गरिएको जिल्ला प्रहरी कार्यालय गोरखाका प्रहरी उपरिक्षक केदार खनालले जानकारी दिए ।
कार्यक्रमको एक समारोह बिच जिल्ला प्रशासन कार्यालयका सहायक प्रमुख जिल्ला अधिकारी चित्राङगत बरारले पानसमा बत्ती बालेर उदघाट्न गर्दै आत्महत्या न्यूनिकरणका लागि समुदाय स्तरमा नै पुगेर कार्यक्रम गरेमा मात्र सफल भईने भन्दै आगामी दिनमा यस्ता कार्यक्रमको लागि प्रशासनको पनि सहयोग रहने बताए ।
कार्यक्रम अन्तरर्गत बिहान ७ः५० बजे पुरानो बसपार्कबाट शक्तिचोक, कालिमाटी बजार हुदै जिल्ला समन्वय समितिका हलसम्म -याली समेत गरिएको थियो । -यालीमा नेपाल प्रहरी, शसत्र प्रहरी, नेपाली सेना, वडाध्यक्षहरु, आमा समूहहरु, सामुदायिक सेवा केन्द्रका पदाधिकारीहरु, माेर्डन सेकेन्डरी ईङलिस बाेर्डीङ स्कुलका बिद्यार्थी, द वल्ड क्यापिटल उच्च मावि रानिबनका स्काउटहरु, विभिन्न विद्यालयका शिक्षक, संघ संस्थाका प्रतिनिधीका साथै सरोकार वाला निकायको सहभागीता रहेको थियो ।
¥यालीमा विभिन्न नारा लेखिएका प्ले कार्डको समेत प्रर्दशन गरिएको थियो ।
कार्यक्रमलाई गोरखा नगरपालिका ६ का वडाध्यक्ष राजेन्द्रकुमार जोशी, गोरखा उद्योग बाणिज्य संघका अध्यक्ष कृण्णकुमार श्रेष्ठ, एकिकरण नेपालका चन्द्र देवकोछा र रुम टु रिडका बालिका शिक्षा संयोजक ज्योति आचार्यले आ–आफ्नो धारणा राखेका थिए ।
कार्यक्रममा जिल्ला प्रहरी कार्यालय गोरखाका प्रहरी निरिक्षक हिमनिधी ढकालले आत्महत्या रोकथाम सम्वन्धी कार्यपत्र प्रस्तुत गरेका थिए । कार्यक्रममा सहभागी सबैलाई प्रउ खनालले धन्यबाद दिएका थिए ।