सन्दर्भ तस्बिर
गोरखा । गोरखामा फेरी जबरजस्ती करणी मुद्वामा १ युवक पक्राउ परेका छन् । पक्राउ पर्नेमा अजिरकोट गाउँपालिका ५ का ५० बर्षिय एकबहादुर सुनार भएको गोरखा प्रहरीले पुष्टी गरेको छ ।
सुनाले ५५ बर्षिया महिलालाई बलात्कार प्रयास गरेको भन्दै प्रहरीले उनलाई पक्राउ गरेको जनाएको छ ।
गएको आइतबार ति महिलालाई सुनारले बलात्कारको प्रयास गरेको भन्दै प्रहरीमा उजुरी दर्ता भए लगत्तै सोमबार जौबारीको प्रहरी टोलीले उनलाई नियन्त्रणमा लिएको थियो ।
आइतबार नै महिलाले जौबारी प्रहरी चौकीमा मौखिक उजुरी गरेको र सोमबार जिल्ला प्रहरी कार्यालय गोरखमा जोहेरी दर्ता गराएको पनि जिल्ला प्रहरी कार्यालय गोरखाका प्रहरी नायव उपरिक्षक एवं सूचना अधिकारी लिलाराज लामिछानेले जानकारी दिए ।
आरोपित सुनारलाई सोमबार नै जबरजस्ती करणी उद्योगमा मुद्वा दर्ता गरी गोरखा अदालतबाट म्याद थप गरी अनुसन्धान थालिएको पनि गोरखा प्रहरीले जनाएको छ ।
