गोरखा । पोखरामा भई रहेको नबौं राष्ट्रिय खेलकुद प्रतियोगिता अन्तरर्गत प्रादेशिक छनौटका क्रममा गोरखाले १६ स्वर्ण सहित ४२ पदक हात पारेर तेस्रो स्थान हात पार्न सफल भएको छ । विभिन्न १७ विधामा गोरखाका खेलाडीहरुले १६ स्वर्ण, १० रजत र १६ कास्य सहित ४२ पदक हात पारेको हो ।
गोरखाले एथ्लटिक्स, तेक्यान्डो, जुडो, सितेरियो कराते, स्क्वास, बक्सिङ, उसु र रग्बी खेलमा सहभागीता जनाएको जिल्ला खेलकुद बिकास समिति गोरखाका अध्यक्ष शान्त सिं बस्नेतले जानकारी दिए ।
बस्नेतका अनुसार गोरखाले सहभागी खेल मध्ये एथ्लटिक्समा ६ स्वर्ण, ३ रजत र १ कास्य, तेक्यान्डोमा १ स्वर्ण २ रजत र ६ कास्यका साथै जुडोमा १–१ स्वर्ण, रजत र कास्य हात पारेको हो ।
त्यस्तै गरी, सितेरियो कराते तर्फ ३–३ स्वर्ण र रजतका साथै २ कास्य, स्क्वास तर्फ २ स्वर्ण, बक्सिङ तर्फ १–१ स्वर्ण र रजत र उसु तर्फ १ स्वर्ण तथा रग्बीमा १ स्वर्ण पदक हात पार्न सफल भएको हो ।
छनोट खेल अन्तरर्गत गोरखाका ३५ जना खेलाडीहरुले नबौं राष्ट्रिय खेलकुद प्रतियोगितामा सहभागीता जनाउने मौका पाएको जिल्ला खेलकुद बिकास समिति गोरखाले जनाएको छ ।