कन्टिर–बाबू नेपालको विकास निर्माण प्रक्रिया देखेर जिल्ल पर्छन् । कन्टिर–बाबूका अनुसार एक त यहाँको विकासका सम्बन्धमा कुनै ठोस, स्पष्ट दृष्टि अनुभूत हुन सकेको छैन । अर्कोतिर कछुवा तालमा हुने गरेका विकास–निर्माण पनि दीगो छैनन् ।
विकासका लागि राजनीति हुनु त ठीकै हो । तर यहाँका नेता आफ्नो राजनीतिका लागि विकास खोज्छन् । अधिकतरको ध्याउन्न एनी–हाउ पैसा कमाऊ हुने गरेको कुरा कसैबाट छिपेको छैन ।
विकासको यस्तै एक तस्बिर सामाजिक सञ्जालमा भाइरल भइरहेको छ, जसले नेपालको विकास विकास–निर्माण प्रक्रियाको पोल खोल्ने कार्य गरेको छ ।
पुलको निर्माणमा व्यापक अनियमितता भएको छ । यो अवस्था सिर्जिनमा अनेकौँको मिलेमतो छ । यसको पुष्टि हुन शायद केही समय लाग्ला ! तर जनताले शीघ्रातिशीघ्र यसको जवाफ चाहेका छन् ।
धनुषा–सिरहा जोड्न करिब १० वर्ष लगाएर निर्माण गरिएको कमला नदीको पुल ठेकेदारले हस्तानतरण गर्नुअघि भासिएको छ । यो पुल अब काम लाग्दैन, यो त कन्टिर–बाबूले बुझे तर के प्रकरणमा प्राकृतिक कारण वा भुलचुक लिनेदिने भन्दै सरोकारवालाहरू उम्कन सक्छन् ? यस अवस्थाका लागि दोषी को हुन् ? ठेकेदार ? बिचौलिया ? सरकारी कर्मचारी ? नेता ? वा सबै ? कसले जबाफ दिन्छ ?
कन्टिर–बाबूले सुनेका छन्– यस पुलको निर्माणमा व्यापक अनियमितता भएको छ । यो अवस्था सिर्जिनमा अनेकौँको मिलेमतो छ । यसको पुष्टि हुन शायद केही समय लाग्ला ! तर जनताले शीघ्रातिशीघ्र यसको जवाफ चाहेका छन् ।
कन्टिर–बाबुका अनुसार जनताको करको चरम दुरूपयोगको भएको एउटा नमुना हो यो भासिएको पुल । यसमा कतिले बाढी र पानीको तीव्र बहावलाई दोष देलान्, तर कन्टिर–बाबू यस्तो (कु)तर्क मान्नेवाला छैनन् ।
कन्टिर–बाबू सोध्छन्– के निर्माणभन्दा पहिले निर्माण–स्थलबारे आवश्यक अनुसन्धान गरिएको थिएन ? कमलाको पानीको बहावबारे अध्ययन गरिएको थिएन ? गरिएको थियो भने कसरी गरियो र के आधारमा गरियो ? अनि निर्माणका क्रममा नियमित अनुगमन भयो कि भएन ? भएन भने किन भएन र भयो भने आजको अवस्था कसरी सिर्जना भयो ?
यी केही यस्ता प्रश्न हुन, जसको उत्तर कन्टिर–बाबूले मात्र होइन, सरकारलाई कर तिर्ने सबै जनसामान्यले चाहेका छन् । यी प्रश्नका उत्तर कसले दिने ?
कन्टिर–बाबू छक्क परिरहेका छन् । पुल भासिएको तीन दिनभन्दा बढी भइसक्यो तर कुनै पनि सम्बद्ध निकायबाट यसबारे ‘चुँ’सम्म उच्चारण गरिएको छैन । प्रश्न त फेरि पनि उठ्छ नै किन होला ?
तस्बिर – सुरेन्द्र कामत
koshionline
