काठमाण्डौं – प्रधानमन्त्री केपी शर्मा ओली आज निर्वाचन आयोग जाँदै छन् ।
निर्वाचन तयारी र नेकपाभित्रको आधिकारिकता विवादलगायतका विषयमा छलफल गर्न उनी आयोग जान लागेका हुन् ।
प्रधानमन्त्री ओली ११ः०० बजेपछि आयोग पुग्ने कार्यक्रम रहेको छ । जसरी पनि निर्वाचनमा जानुपर्ने पक्षमा रहेका प्रधानमन्त्रीले आयोगका कामबारे पनि जानकारी लिने बताइएको छ ।
चुनावका कार्यक्रमलगायत विषयमा आयोगको ध्यानाकर्षण पनि उनले गराउने बुझिएको छ । आयोगले आधिकारिकता विवादमा छलफल गर्न यसअघि नेकपाका दुवै शीर्ष नेतालाई बोलाएको थियो तर दुवै पक्षले आफ्ना प्रतिनिधि मात्रै पठाएका थिए ।
प्रतिनिधिसभा विघटनपछि पार्टीको आधिकारिकता दाबी गर्न नेकपाका पुष्पकमल दाहाल र माधव नेपाललगायतका नेताहरू आयोग पुगेका थिए । प्रधानमन्त्री ओली भने पार्टीमा विवाद सुरु भएपछि पहिलोपटक आयोग जान लागेका हुन ।
