काठमाण्डौं – नेकपा दाहाल–नेपाल समूहका अर्का अध्यक्ष पुष्पकमल दाहाल ‘प्रचण्ड’ विरुद्ध अदालतको अबहेलना मुद्दा दर्ता भएको छ ।
जनभावना अनुसार फैसला नगरे जनताको अदालतबाट फैसला गर्ने अभिव्यक्ति दिएको भन्दै दाहालविरुद्ध अवहेलनाको मुद्दा दर्ता भएको हो ।
अधिवक्ता समिर बलामीले दिएको निवेदन दर्ता गर्दै अदालतले मंगलबारका लागि पेशी तोकेको छ । बलामीले दाहालले पटक–पटक अदालत र न्यायाधीशहरुलाई लक्षित गरि धम्कीपूर्ण अभिव्यक्ति दिएको निवेदनमा दावी गरिएको छ ।
यसअघि प्रधानमन्त्री केपी शर्मा ओली, पूर्व सभामुख दमनाथ ढुंगाना, पूर्व प्रधानन्यायाधीशहरु अनुपराज शर्मा, मीनवहादुर रायमाझी, कल्याण श्रेष्ठ र सुशीला कार्कीविरुद्ध पनि अदालतको अवहेलना मुद्दा अदालतमा विचाराधिन छ ।
