काठमाण्डौं – काठमाण्डौंको ताकेश्वर नगरपालिका ७ सांङ्लेखोला फुटुङका स्थानियले पालेको पंक्षिहरुमा बर्डफ्लु संक्रमण देखिएको छ ।
मानव स्वास्थ्यलाई गम्भीर असर पार्न सक्ने बर्डफ्लु रोग राजधानी काठमाण्डौंमा देखिए सगै संक्रमण देखिएको र केही अन्य पंक्षिहरुलाई नष्ट गरिएको छ । स्थानिय किसानले पालेका टर्की र हाँसमा बर्डफ्लु भेटिएको पशु सेवा विभागले पुष्टि गरेको छ ।
बर्डफ्लु पुष्टि भएको क्षेत्रको १ हजार ८६५ वटा हाँस, ६२२ वटा बट्टाई, ३२ वटा कुखुरा, २५ वटा टर्की र तिनका अण्डा तथा दाना नष्ट गरिएको र रोग देखापरेको क्षेत्रलाई निसंक्रमण गरिएको विभागले जनाएको छ ।
केही समय अगाडी मात्र भारतको विभिन्न प्रदेशमा देखिएको यो रोग नेपाल यो सिजनमा पहिलो पटक देखिएको हो । भारतबाट एक्कासी नेपालमा यो रोग कसी प्रवेश गरयो भन्ने बिषयमा अध्ययन भई रहेको विभागले जनाएको छ ।
