काठमाण्डौ – प्रतिनिधि सभा विघटको विरोधमा नेपाली कांग्रेसले बिहीबार देशभरका वडाबाट प्रदर्शन गर्ने भएको छ ।
बुधबार काँग्रेस सभापति शेरबहादुर देउवाले अपिल जारी गर्दै प्रधानमन्त्री केपी ओलीले गरेको प्रतिनिधि सभा विघटन विरुद्ध वडास्तरीय प्रदर्शनमा जुट्न निर्देशन दिएका छन् ।
अपीलमा देउवाले ‘सरकारको सिफारिसमा भएको प्रतिनिधिसभा विघटनको घटनाविरुद्ध माघ ८ गते बिहीबार ६ हजार ७४३ वडाहरुमा विरोध प्रदर्शनलाई व्यापक बनाउन पनि आग्रह गरेका छन् ।
यसअघि कांग्रेसले निर्वाचन क्षेत्रमा, प्रदेशसभा निर्वाचन क्षेत्रमा तथा पालिकाहरुमा विरोध प्रदर्शन व्यापकताका साथ सम्पन्न गरिसकेको भन्दै देउवाले ‘अब वडास्तरीय प्रदर्शन पनि प्रभावकारी रुपले सफल बनाउन अपील गरेका छन् ।
