मोरङ – मोरङको भेडुवाथानमा बस दुर्घटना हुदा ५ जना घाईते भएका छन् ।
सुनवर्सी नगरपालिका ९ स्थित भेडुवाथानमा बस दुर्घटना हुँदा ५ जना घाइते भएका हुन् ।
विराटनगर उर्लाबारी सडकखण्ड अन्तर्गत भेडुवाथान नजिकै डाइनियाबाट रंगेलीतर्फ विधार्थी लिई आउँदै गरेको बा २ ख ४५८ नम्बरको बस अनियन्त्रित भई पल्टिएको मोरङ प्रहरीले जनाएको छ ।
बसमा सवार रतुवामाई ३ बस्ने १७ वर्षीया रेजिना घिमिरे, १६ वर्षीया शार्दा भट्टराई, १६ वर्षीया मनिषा राजवंशी, १६ वर्षीया निसा ताजपुरिया र १६ वर्षीय विशाल कुमार मण्डल घाइते भएका छन् ।
घाइतेहरुको मकालु अस्पताल विराटनगरमा उपचार भईरहेको प्रहरीले जनाएको छ । बस चालक धर्मेन्द्र बर्मा ईलाका प्रहरी कार्यलय रंगेलीले नियन्त्रणमा लिएर घटनको बिषयमा अनुसन्धान थालेको छ ।
