काठमाण्डौं – भारतले नेपाललाई कोरोना भाइरसविरुद्धको खोप उपलब्ध गराउने विषयमा आज निर्णय गर्ने भएको छ ।
आज दिउँसो बस्ने भारतको केन्द्रीय स्वास्थ्य समितिको बैठकले नेपाललाई उपलब्ध खोप उपलब्ध गराउने मात्रा र समय तय गर्ने भएको हो ।
बैठकमा भारतीय स्वास्थ्य मन्त्री हर्षबर्धन, विदेशमन्त्री एस जयशंकर, भारत बायोटेक र सिरम इन्स्टिच्युटका प्रतिनिधि सहभागी हुने बताइएको छ ।
भारतले पहिलो चरणमा नेपालसहित भुटान, बंगलादेश र ब्राजिललाई खोप दिने तयारी गरेको छ ।
नेपालले आपतकालीन प्रयोगका लागि अक्सफोर्डले विकसित गरेको अस्ट्राजेनेका भारतमा उत्पादन गरेको खोपलाई प्रयोगको अनुमति दिइसकेको छ ।
परराष्ट्रमन्त्री प्रदीप ज्ञवालीको भारत भ्रमणमा पनि खोप उपलब्ध गराउन भारत सकारात्मक देखिएको जानकारी दिएका थिए ।
भारतमा भने शनिवारदेखि खोप दिन शुरु गरिएको छ । खोपका कारण हालसम्म ४४७ जनालाई सामान्य असर देखिएको छ । बिरामीमध्ये ३ जनालाई मात्र अस्पताल भर्ना गरिएको छ ।
