काठमाण्डौं – नेपाली युवा लेग स्पीनर सन्दीप लामिछानेले बिग ब्यासमा उत्कृष्ट सुरूवात गरेका छन् ।
बिग ब्यासमा होबर्ट हरिकेन्सबाट सन्दीपले डेब्यु गरेको खेलमा मेलबर्न स्टार्सलाई २१ रनले हराएको छ । सन्दिपले ४ ओभर बलिङ गरी ३८ रन खर्चेर पुर्व टिम मेलबर्न विरूद्ध २ विकेट लिए ।
आफ्नो पहिलो ओभरमा सन्दिपले ११ रन खर्चेर हिल्टन कार्टराइटलाई बोल्ड आउट गरे । उनले आफ्नो दोस्रो र तेस्रो ओभरमा क्रमश ८ र ९ रन खर्चे । यसपछि उनको चौथो ओभरमा भने ११ रन खर्चेर बेन डंकलाई विकेट किपरद्वारा क्याच आउट गराए ।
यो खेलमा पहिले ब्याटिङ गरेको होबर्ट हरिकेन्सले २० ओभरमा ४ विकेट गुमाएर १६४ रन बनायो । १६५ रनको चुनौती पछाएको मेलबर्न स्टार्स ९ विकेट गुमाएर १४३ रनमा समेटियो ।
नेपली बलर सन्दीपले हरिकेन्सकोलागि २ विकेट लिदा स्कट बोलान्डले ३ र नथान इलिसले पनि २ विकेट झारेका थिए ।
मङ्सिर दोस्रो साता अष्ट्रेलिया पुगेका सन्दीपले अष्ट्रेलियन सरकारको १४ दिनको अनिवार्य क्वारिनटिन पुरा गरी पहिलो खेल खेलेका हुन । कोरोनामुक्त भएर सन्दीप अष्ट्रेलिया गएका थिए ।
गएको २ सिजन मेलबन स्टार्सबाट सन्दीपले खेलेका थिए । तर यो पटक उनलाई मेलबर्नले आबद्ध गरेन भने होबर्ट हरिकेन्सले भित्राएको हो । गत २ सिजन मेलबर्न स्टार्सबाट २१ खेल खेली २६ विकेट लिएका थिए ।
