गोरखा – बहराइनका राजकुमार सेख मोहम्मद हमाद मोहम्मद अल खलिफाले मनास्लु हिमालको सफल आरोहण गरेका छन् ।
उनले आज (बिहीबार) बिहान ६ः१० बजे गोरखाको मनास्लु हिमालको चुचुरोमा पुग्न सफल भएको हो ।
राजकुमार खालिफा संगै आरोहणदलमा सहभागी अन्य ५० जना भन्दा बढीले पनि मनास्लु हिमालको सफल आरोहण गरेका छन् । राजकुमारको टोली गत असोज २० गते मनास्लु आरोहणका लागि आधार शिभिर तर्फ लागेका थिए ।
आरोहण दलको नेतृत्व विश्वका ८ हजार मिटर भन्दा अग्ला १४ वटा हिमाल आरोहण गरेका दक्षिण एशियाका पहिलो आरोही मिङ्मा शेर्पा, १४ वटै हिमाल आरोहण गरेका छाङ दावा शेर्पा र अक्सिजन बिना सगरमाथा चढ्ने सबैभन्दा कान्छा आरोही टासी लाक्पा शेर्पाले गरेका थिए ।
मनास्लु हिमालको उचार्य ८ हजार १६३ मिटर अग्लो छ । यसलाई विश्वमाझ ‘किलर माउन्टेन’ को रुपमा पनि चिनिने गरिन्छ ।
