गोरखा समाचारदाता
पर्सा – पर्सामा आज पनि थप १४१ जनामा कोरोना संक्रमण पुष्टी भएको छ ।
नारायणी अस्पतालमा गरिएको पिसिआर परिक्षणमा १४१ जनामा कोरोना भाइरस संक्रमण पुष्टि भएको हो ।
संक्रमितहरु मध्ये २१ जना महिला रहेका र १२० जना पुरुष रहेका छन् ।
नारायणी अस्पतालका मेडिकल सुपरिटेन्डेन्ट डा.मदन कुमार उपाध्यायका अनुसार संक्रमितहरुमध्ये ४४ जना जिल्ला प्रहरी कार्यालयमा कार्यरत प्रहरी छन् । त्यस्तै तराई हस्पिटलका १ जना, पशु अस्पतालका १ जना, सेनाका ५ जना, कारागारका रहेका २ जना बन्दीका साथै नेशनल मेडिकल कलेजका १ जनामा पनि संक्रमण पुष्टि भएको छ ।
थपिने संक्रमितहरुमा बारा जिल्लाका ४ र रौतहट जिल्लाका ४ जना रहेका छन् । संक्रमितहरु वीरगन्जको चिनीमिल, श्रीपुर, तेजारथ टोल, गण्डक बहुअरी, मुर्ली, भिस्वा, घडिअर्वा, सबैठवा, पिपरा, रानीघाट, खल्वाटोला श्रीसिया, छपकैया लगायतका ठाँउका रहेको स्वास्थ्य कार्यालय पर्साले जानकारी दिएको छ ।
