गोरखा समाचारदाता
पर्सा – नोवल कोरोना भाइरस (कोभिड–१९)को संक्रमणबाट पर्सामा थप १ जनाको ज्यान गएको छ ।
ज्यान गुमाउनेमा पोखरीया नगरपालिका ९ बार्वास्थित मामाघरमा बस्दै आएकी १८ वर्षीया युवती भएको पुष्टी भएको हो ।
सोमवार राति पटकपटक बान्ता हुन थालेपछि उपचारको लागि नेशनल मेडिकल कलेज वीरगञ्जमा लैजाँदै गर्दा उनको बाटोमै ज्यान गएको अस्पतालका चिकित्सकहरुले जानकारी दिएका छन् ।
उनको शव नेशनल मेडिकल कलेजमै राखेर आकस्मिक स्वाब संकलन गरी मंगलवार नारायणी अस्पतालमा पठाइएको थियो । मंगलबार राति उनको परीक्षण रिपोर्ट पोजिटिभ आएको नारायणी अस्पतालका फिजिसियन एवं गण्डक कोभिड अस्पतालका संयोजक डा.उदयनारायण सिंहले बताए ।
