गोरखा समाचारदाता
काठमाण्डौं – नोवल कोरोना भाइरस (कोभिड–१९)बाट नेपालमा आज थप २५९ जनामा संक्रमण पुष्टि भएको छ ।
देशका विभिन्न प्रयोगशालामा गरिएको परीक्षणमा थप २५९ जनामा कोरोना संक्रमण पुष्टि भएको हो । यो संगै नेपालमा कोरोना संक्रमितको संख्या २१ हजार ९ जना पुगेको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा जानकारी दिदै मन्त्रालयका प्रबत्ता डा.जागेश्वर गौतमले गएको २४ घण्टामा ७ हजार ६८७ नमुना परीक्षण गर्दा २५९ जनामा कोरोना संक्रमण देखिएको जानकारी दिए ।
कहाँ कहाँ थपिए संक्रमित देखिए त ?
स्वास्थ्य तथा जनसंख्या मन्त्रालयका अनुसार सबैभन्दा धेरै सबैभन्दा धेरै काठमाडौंमा ४८ जना संक्रमित थपिएका छन् ।
सर्लाहीमा २६ जना, मोरङमा २३ जना, कैलालीमा २२ जना, महोत्तरीमा १५ जना, भक्तपुर र धनुषामा १३÷१३ जना, सुनसरीमा १२ जना, अछाम र बाँकेमा ११÷११ जना, रुपन्देहीमा ९ जना, झापामा ८ जना, सप्तरी र बारामा ७÷७ जना र रौतहटमा ६ जनालाई कोरोना संक्रमण भएको छ ।
त्यस्तै गरी गुल्मीमा ५ जना, सल्यानमा ३ जना, इलाम, सिरहा, कपिलवस्तु र कास्कीमा २÷२ जना तथा ललितपुर, धनुषा, बझाङ, पर्सा, तनहुँ, चितवन, लमजुङ र पर्वतका १÷१ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।
