गोरखा समाचारदाता
काठमाण्डौं – आजदेखि ५ दिन सम्म भारी हुने जल तथा मौसम विज्ञान विभागले जनाएको छ ।
विभागका अनुसार प्रदेश १ र २ मा भारी वर्षा संगै अधिकांश स्थानमा बाढी पहिरोको जोखिम रहेको जनाएको हो ।
वर्षा गराउने मनसुन न्यून चापीय रेखा तराई मधेसनजिक रहेको र पर्याप्त जलवास्पयुक्त हावा पनि भित्रिने सम्भावना रहेकाले सतर्कता अपनाउन विभागले सबैलाई अनुरोध गरेको छ ।
आज रातिदेखि मनसुन सक्रिय भई मंगलबार र बुधबार बाढी, पहिरो र डुबानको जोखिम भएकाले सकेसम्म यात्रा नगर्न, गर्नैपरे उच्च सतर्कता अपनाउन मौसमविद्को आग्रह छ ।
अबको ५ दिनसम्म गण्डकी, कर्णाली, सुदुरपश्चिम र प्रदेश ५ का मध्ये पहाडी भूभागका नदीहरूमा जलसतह बढ्ने विभागले जनाएको छ । बागमती, गण्डकी, प्रदेश ५, कर्णाली र सुदुरपश्चिमका भने केही स्थानमा भने भारी वर्षा हुने विभागको पूर्वानुमान छ ।
विभागका अनुसार भोटेकोशी र बागमतीमा पनि सामान्य बहाव बढ्नेछ । विभागले चुरेबाट बग्ने साना र मझौला खोलानालाको वहाव बढ्ने सम्भावना रहेको भन्दै विभागले सर्वसाधारणलाई सावधान रहन र सरोकारवाला निकायलाई सतर्कता अपनाउन भनेको छ ।
प्रिमनसुनको समयदेखि नै पानी परिरहेकाले यो वर्ष पहिरोको जोखिम बढेकाले थप सतर्क हुनुपर्ने मौसमविदको भनाइ छ ।
