गोरखा समाचारदाता
गोरखा – गोरखामा बिहीबार देखि सार्वजनिक सवारी साधन सञ्चालन हुने भएको छ ।
कोरोना भाइरसका कारण गएको चैत ११ गतेदेखि बन्द भएको सार्वजनिक यातायात बिहीबारदेखि सञ्चालनमा आउने भएको हो ।
नेपाल यातायात व्यवसायी राष्ट्रिय महासंघ गोरखा जिल्ला समन्वय समितिका अध्यक्ष ज्ञानेन्द्र श्रेष्ठका अनुसार बिहीबार देखी जिल्लाको अधिकाशं भागमा सार्वजनिक सवारी साधान सञ्चालनमा आउने छ ।
लगतारको बर्षाका कारण सडक अबरुद्ध भएका क्षेत्रमा बाहेक सवै क्षेत्रमा नियमित रुपमा सार्वजनिक सवारी साधन सञ्चालनमा ल्याउने गरी तयारी पुरा भएको समेत अध्यक्ष श्रेष्ठले बताए ।
सवारी सञ्चालन संगै यात्रु र सवारी चालक तथा सह–चालकहरुको सूरक्षाका लागि समेत बिशेष सुरक्षाका साथ सार्वजनिक सवारी सञ्चालनमा ल्याउने तयारीमा महासंघ रहेको छ । सवारीमा यात्रुहरुका लागि आबश्यक सेनिटाइजर, चालक र सह चालकको सुरक्षाका लागि मास्क, गगल्स, पञ्जा लगायतको सामाग्रीको समेत व्यवस्था गरिएको छ ।
