गोरखा समाचारदाता
काठमाण्डौं – बुधबार देखी कम बर्षा हुने भएको छ ।
पश्चिम क्षेत्रबाट वर्षा क्रमशः कम हुँदै जाने भएकोले भोलीदेखी कम बर्षा हुने भएको हो ।
नेपालमा मनसुन सुरु भएदेखि केही दिन यता बढी वर्षा भएको थियो । जल तथा मौसम विज्ञान विभागले जनाए अनुसार वर्षा कम हुँदै गए पनि प्रदेश नम्ब १, २, गण्डकी र बागमती प्रदेशमा भने अझै केही दिन वर्षा जारी रहने छ ।
न्यूनचापीय रेखा नेपालको ठीक माथि भएका कारण देशभर मध्यमदेखि भारी वर्षा भएको समेत महाशाखाले जनाएको छ । यो न्यूनचापीय रेखा साउन ९ गतेदेखि दक्षिण तर्फ जाने र भारतमा धेरै वर्षा हुने छ भने नेपालमा सुक्खा हुने छ ।
विभागले आज संघिय राजधानीमा गरेको पत्रकार सम्मेलनमा ३ दिनयता गण्डकी प्रदेश, ५ नम्बर प्रदेश र प्रदेश २ मा भारी वर्षा मापन भएको गरिएको थियो ।
पछिल्लो २४ घण्टामा सबैभन्दा बढी मकवानपुरगढीमा १९९.२ मिलीमिटर वर्षा मापन भएको थियो भने गुल्मीमा १६८.८ मिलीमिटर, सूर्यपुरामा १९२.६ र गोरखाको आरुघाटमा १६०.२ मिलीमिटर वर्षा भएको थियो ।
विभागले सम्भावित जोखिमबाट जोगिन जोखिम क्षेत्रमा बसोबास गर्नेहरुलाई ५० लाख १७ हजारभन्दा धेरै एसएमएस पठाएर सतर्क रहन आग्रह गरिएको पनि पत्ररका सम्मेलनमा जानकरी गराईएको थियो ।
