गोरखा समाचारदाता
गोरखा – गोरखा खैरेनी सडक खण्ड आज पनि अबरुद्व भएको छ ।
अबिरल बर्षा संगै ठाउँ ठाउँमा खसेको पहिरोका कारण सडक अबरुद्व भएको हो ।
आइतबार र सोमबार लगातार पहिरोका कारण बन्द भएको उत्त सडक खण्ड आज (मंगलबार) पनि पहिरो खसेर अबरुद्व भएको जिल्ला ट्राफिक प्रहरी कार्यालय गोरखाले जनाएको छ ।
उत्त सडक खण्डको आठ किलो भन्ने क्षेत्रमा २ वटा पहिरो र बाह्र किलो क्षेत्रमा पनि पहिरो गएको पिच नै भासिएकोले यातायात अबरुद्व भएको जिल्ला प्रहरी कार्यालय गोरखाका प्रहरी नायव उपरिक्षक बासुदेव खत्रीवडाले बताए ।
गोरखा खैरेनी सडकमा हिजै राती पहिरो खसेको कारण आज बिहानै देखी यातायात सञ्चालनमा समस्या आएको छ । पहिरो हटाउन पनि पानी परिरहेका कारण असजिलो भएको छ ।
पानी रोकिना साथ पहिरो पन्छाउने कार्यलाई निरञ्तरता दिने जिल्ला ट्राफिक प्रहरी कार्यालय गोरखाले जनाएको छ ।
उत्त सडक खण्ड गएको आतबार देखी आज सम्म लगातार ३ दिन सम्म पहिरो खसेर अबरुद्व हुदै आएको छ ।
