काठमाडौं– स्थापित संगीतकार अर्जुन पोखरेल तथा गायिका दुर्गा खरेलले लकडाउनकै क्रममा विवाह गरे ।
काठमाडौंको बुढानीलकण्ठ मन्दिरमा उनीहरुले सामाजिक दुरी पालना गर्दै वैवाहिक समारोह सम्पन्न गरे ।
पछिल्लो दुईदेखि सामाजिक सञ्जालमा अर्जुन र दुर्गालाई बधाइ दिने क्रम रोकिएकौ छैन ।
दुबै सांगीतिक क्षेत्रमा सक्रिय रहेकाले उनीहरुको वैवाहिक जीवन अत्यन्त सुमधुर हुने सबैको शुभकामना छ ।
यसैबीच अर्जुन र दुर्गा दुबैले फेसबुकमा एउटै स्टाटस तथा उस्तै तस्बिरहरु पोस्ट गर्दै सबैप्रति आभार व्यक्त गरेका छन् ।
उनीहरुले स्टाटसमा लेखेका छन् -‘समय परिस्थितिको कारणले हामीले मनैदेखि चाहेर पनि देश तथा बिदेशमा रहनुभएका धेरै आफन्तहरु, आदरणीय अग्रज कलाकर्मीहरु, समकालिन मित्रहरु तथा प्रिय अनुजहरु लगायत हामीलाई सधैं साथ दिँदै आउनु भएका सन्चारकर्मी ज्युहरुलाई यो हाम्रो शुभ कार्यमा निमन्त्रणा गर्न सकेनौँ ।
कोरोनाको महामारीको समयमा सुरक्षित र संमित हुँदै हामी दुईले एक भएर जीवनको यात्रा गर्ने निधो गरेका छौँ । यो समयमा हजुरहरुले विभिन्न माध्यमहरुबाट हामीलाई दिनुभएको शुभेक्क्ष, शुभ आशीर्वादको लागि धेरै धेरै धन्यवाद दिन चाहान्छौँ । साथै आभार प्रकट गर्दछौँ ।’
