गोरखा समाचारदाता
गोरखा – गोरखामा कोरोनाका कारण ज्यान गएका ब्यक्तिको शब ब्यवस्थापनमा स्थानियले अवरोध र्सिजना गरेका छन् ।
शब ब्यवस्थापन पनि स्थानियलाई समस्या हुने भन्दै गोरखा नगरपालिका १२ अवुवाका स्थानिय र शहिद लखन गाउँपालिका लुदी सेराका स्थानियले अवरोध र्सिजना गरेका हुन् ।
पालुङटार नगरपालिका निवासी ४४ बर्षिय एक पुरुषको ज्यान गए लगत्तै आज बिहान बसेको जिल्ला कमाण्ड पोष्टको बैठकले गोरखा नगरपालिका शहिद लखन गाउँपालिकाको दोसाधमा रहेको लुदी दोभानमा शब ब्यवस्थापन गर्ने निर्णय गरेको थियो ।
उत्त निर्णय थाहा पाएका दुवै तिरका स्थानीहरु जम्मा भएर प्रहरीलाई बाटोमा नै अवरोध गरिहेका छन् । स्थानियले लुदी दोभान क्षेत्रमा शब ब्यवस्थापन गर्दा आफुहरुलाई समस्या हुने भन्दै अवरोध र्सिजना गरेका हुन ।
अवरोध र्सिजना गरिएको लुदी दोभान घाट क्षेत्रमा अहिले ठुलो संख्यामा नेपाल प्रहरी र शसत्र प्रहरी परिचालन गरिएको छ ।
‘स्थानियको सम्मानको लागि केही बेर हामीले शब ब्यवस्थापन कार्यलाई रोकेर छलफल गरेका हौ । कुनै उपाय लागेन भने बल प्रयोग गरेर भए पनि शब ब्यवस्थान गरिने’ जिल्ला प्रहरी कार्यालय गोरखाका प्रहरी उपरिक्षक सुरेन्द्रबहादुर गुरुङले बताए ।
अहिले लुदी दोभान क्षेत्रको शब राख्ने स्थानमा मेशिन पुगि सेकेको र शब गाड्नका लागि जमिन खन्ने काम सुरु हुन लागेको जिल्ला प्रहरी कार्यालय गोरखाले जनाएको छ ।
