गोरखा समाचारदाता
गोरखा – जिल्लाको भीमसेन थापा गाउँपालिकाको महादेवटारमा बसोबास गर्ने ११७ जनाको स्वाबपरीक्षणका लागि पठाइएको छ ।
केही दिन अगाडी समुदाय स्तरमा कोरोना संक्रमण फैलिएको प्रमाणित भए संगै संक्रमित ब्यक्तिको सम्र्पकमा आएका ब्यक्तिहरुको स्वाब संकलन गरी परिक्षणका लागि पठाइएको हो ।
संकलित ११७ जनाको स्वाब परीक्षणका लागि गण्डकी प्रदेश स्थित जनस्वास्थ्य प्रयोगशाला पोखरामा पठाइएको भीमसेन थापा गाउँपालिकाका स्वास्थ्य शाखाका प्रमुख भेषराज खनालले बताए ।
बोर्लाङमा समुदाय स्तरमा नै कोरोना संक्रमण फैलिएपछि मंगलबार गण्डकी प्रदेश स्वास्थ्य निर्देशनालय, स्वास्थ्य कार्यालय र बिश्वस्वास्थ्य संगठनका स्वास्थ्यकर्मी सहितको टोली महादेवटार पुगेका थिए ।
स्वांब संकलन गरिएका मध्ये ११४ जना भने कन्ट्रयाक्ट ट्रेसिङबाट पहिचान गरिएका व्यक्तिहरु रहेको खनालले जानकारी दिनुभयो । मंगलबार स्वाब संकलन गरिएका मध्ये २७ महिला र ९० जना पुरुषहरु रहेका छन् ।
गएको जेठ २२ गते जिल्ला प्रहरी कार्यालय गोरखाको हिरासतबाट छुटेका २८ बर्षिय युवकमा कोरोना संक्रणम पुष्टी भएपछि उनको संम्पृकमा आएकाहरुको कन्ट्रयाक्ट ट्रेसिङका आधारमा स्वाब संकलन भई रहेको छ । पहिलो चरणमा संकलित ३८ जनाको स्वाबमा ३ जनाको रिर्पोट पोजेटिभ आएको छ ।
समुदाय स्तरमै कोरोना संक्रमण फैलिएपछि त्यस क्षेत्रलाई अहिले कोरोना संक्रमित क्षेत्र घोषणा गरि लकडाउनलाई कडाई गरिएको छ ।
