गोरखा समाचारदाता
गोरखा – गोरखा अस्पतालमा उपचारत २३ जना कोरोना संक्रमित बिरामी उपचार पछि घर फर्किएका छन् ।
जिल्लाको विभिन्न गाउँपालिका २३ जनालाई गोरखा अस्पतालले उपचार पछि निको भएर घर पठाएको हो ।
पछिल्लो पटक अस्पतालले सोमबार गोरखा नगरपालिका ३ जनालाई घर पठाएको छ । २१, २६ र ५३ बर्षका पुरुषलाई सोमबार अस्पतालले घर पठाएको सूचना अधिकारी कृण्ण ढकालले बताए । उपचार पछि घर जानेहरुमा गोरखा नगरपालिकाका वडा नम्बर १ का २ जना र ६ का १ जना पुरुष भएको अस्पतालले जनाएको छ ।
त्यस्तै गरी यस भन्दा अगाडी पनि अस्पतालले पहिलो पटक असार ६ गते भीमसेन थापा गाउँपालिका २ जना पुरुष, पालुङटार नगरपालिकाका १ जना पुरुष, गण्डकी गाउँपालिकाका ४ जना पुरुष र काभ्रे जिल्लाका १ जना पुरुषलाई उपचार पछि घर पठाएको थियो ।
अस्पतालले दोस्रो पटक असार १० गते भीमसेन थापा गाउँपालिकाका १ जना पुरुषलाई पनि उपचार पछि घर पठाएको थियो ।
अस्पतालले त्यस लगत्तै असार ११ र १२ गते गरेर ११ जनालाई उपचार पछि घर पठाएको जनाएको छ । अस्पतालका सूचना अधिकारी ढकालका अनुसार ११ गते गण्डकी गाउँपालिकाका ५ जना गोरखा नगरपालिकाका ४ जना पुरुष गरी ९ जनालाई घर पठाएको थियो भने असार १२ गते पनि भीमसेन थापागाउँपालिकाका १ जना र बारपाक सुलिकोट गाउँपालिकाका १ जना पुरुषलाई अस्पतालले सफल उपचार पछि घर पठाएको थियो ।
घर पठाईएकाहरुको राष्ट्रिय जनस्वास्थ्य प्रयोगशाला र शुक्रराज ट्रपिकल एण्ड इन्फेक्सियस डिजिटल हस्पिटल काठमाण्डौं र प्रदेश जनस्वास्थ्य प्रयोगशाला पोखराबाट पिसिआर रिर्पोट नेगेटिभ आएको र १४ दिन सम्म आइसोलेशनमा उपचार गराएर घर पठाईएको हो ।
गोरखा अस्पतालले असार १५ गते सोमबार सम्ममा २३ जनाको सफल उपचार पछि घर पठाएको हो ।
