गोरखा समाचारदाता
काठमाण्डौं – नोबल कोरोना भाइरस (कोभिड–१९)बाट नेपालमा सनिबार ५५४ जना संक्रमित भएको पुष्टी भएको छ ।
देशको विभिन्न प्रयोगशालामा गरिएको परिक्षणमा ५५४ जनामा कोरोना संक्रमण पुष्टी भएको हो । यो संगै अब नेपालमा कोरोना संक्रमित हुनेको संख्या १२ हजार ३०९ जना पुगेको छ ।
स्वास्थ्य तथा जनसंख्या मन्त्रालयले आज गरको नियमित पत्रकार सम्मेलनमा मन्त्रालयका प्रबत्ता डा.जागेश्वर गौतमले विगत २४ घण्टामा थप ५५४ जनामा कोरोना भाइरस संक्रमण पुष्टि भएको बताए ।
आज सम्म संक्रमित भएका मध्ये २ हजार ८३४ जना निको भएर घर फर्केका छन । पछिल्लो २४ घन्टामा मात्रै १३६ जनाले कोरोनालाई जितेर घर फर्किका छन ।
अहिले कोरोना संक्रमण पुष्टि भएका ९ हजार ४ सय ४७ जना देशका विभिन्न स्थानका आइसोलेसनमा रहेका छन ।
आजवाट देशको ७७ जिल्लामा नै कोरोना संक्रमणका विरामी भेटिएका छन् ।
कोरोना संक्रमणका कारण आज सम्म २८ जनाले ज्यान गुमाएको समेत मन्त्रालयले जनाएको छ ।
