गोरखा समाचारदाता
गोरखा – नेपालीकाँग्रेस निकट किसान संघको नयाँ कार्य समिति चयन भएको छ ।
किसानहरुको भेलाले बासुदेव भट्टको अध्यक्षयतामा सात सदस्यीय नयाँ कार्य समिति चयन गरेको हो ।
जसको उपसभापतीमा खुनप्रसाद रेग्मी र गोमा ढकाल, सचिवमा बलबहादुर धिताल, कोषाध्यक्षमा सगुन पन्त र सदस्यहरुमा धनबहादुर गुरुङ, मानबहादुर पाण्डे सदस्य रहेका छन् ।
यसैगरी नेपाल महिला संघ क्षेत्र नम्बरको १ सभापती फूलमायाँ गुरुङ चयन भएकी छिन् ।
साबिकको निर्वाचन क्षेत्र नम्बर १ र ३ को समायोजन हुँदा गुरुङ सभापतीमा चुनिएकी हुन् ।
नेपाली काँग्रेस निकट महिला सघंका साबिकको क्षेत्र नम्बर १ र ४ का महिलाहरुको भेलाले सह-सभापतीमा सीता पाण्डे, सचिवमा सरिता भट्ट, सह सचिव गोमा ढकाल र कोषाध्यक्षमा लक्ष्मी धमलालाई सर्व सम्वत चयन गरेको नेपाली काँग्रेस क्षेत्र नम्बर १ का सभापती गोबिन्द गुरुङले जानकारी दिए ।
नेपाली काँग्रेस केन्द्रिय कार्य समितिले पठाएको पत्रको निर्देशिका २०७६ अनुसार साबिक १ नम्बर ३ नम्बरका पदाधिकारी सदस्य स्वतः रहने व्यवस्था साबिकको समितिकाअन्य पदाधिकारी एवं सदस्यहरुमा चयन भएका छन् । यसै विच नेपाली काँग्रेसको आयोजनामा भएको २ दिने प्रशिक्षण सकिएको छ ।
