गोरखा समाचारदाता
गोरखा – नेपाली काँग्रेसका स्थानीय जनप्रतिनिनिधीहरुलाई पार्टीको घोषणा पत्र अनुसार काम गर्न विज्ञहरुले सुझाव दिएका छन् ।
नेपाली काँग्रेस गोरखाको आयोजनामा भएको दुई दिने प्रशिक्षण कार्यक्रममा बोल्दै राष्ट्रिय योजना आयोगका पूर्व उपाध्यक्षहरु डा. गोबिन्दराज पोखरेल र डा.स्वीणम् वाग्लेले निर्वाचन पूर्व बनाइएको घोषणापत्रलाई आधार बनाएर बिकास निर्मााणमा काम गर्न आग्रह गरेका हुन् ।
जिल्ला सभापती हरिबहादुर घलेको अध्यक्षतामा भएको कार्यक्रममा नेपाली काँग्रेसका ९४ जना वडा सभापतीहरु, काग्रेसबाट निर्वाचित ४६ जना वडा अध्यक्षहरु, भातृ तथा सुभेक्षुक संस्थाका प्रमुख एवं प्रतिनिनिधीहरु स्थानीय तहका प्रमुख उपप्रमुख, पालिका सभापती, क्षेत्र सभापती एवं कार्यसमिति, महादिवेशन प्रतिनिधि महासमिति सदस्य, जिल्ला कार्यसमितिका पदाधिकारीहरु लगायतको सहभागिता रहेको छ ।
‘यो कार्यक्रमले काँगेसलाई थप संगठित बनाउँदै जनताको काममा लाग्न उत्प्रेरित गर्छ भन्ने हाम्रो अपेक्षा छ’ नेपाली काँग्रेस गोरखाका सचिव नन्दप्रसाद न्यौपानेले भने ‘निर्वाचित जनप्रतिनिधिलाई पार्टीको नीति र घोषणापत्र अनुसार काम गर्न पनि सहजता मिल्नेछ ।
आइतबारसम्म चल्ने उक्त प्रशिक्षणमा वर्तमान समयमा काँग्रेसको भुमिका गर्नुपर्ने काम र योजनाहरुको बारेमा छलफल समेत हुने बताइएको छ ।
