गोरखा समाचारदाता
पर्सा – वीरगञ्ज अपहरणकारीलाई नियन्त्रणमा लिन प्रहरीले गोली चलाएको छ । प्रहरी चलाएको गोली अपहरणकारीको खुट्टामा लागेको छ ।
मंगलबार राती विरगञ्जको सिर्सिया क्षेत्रमा भएको उत्त घटना लगत्तै अपहरणकारीले अपहरण गरेको बालकको पनि सकुशल उद्वार गरीएको विरगञ्ज प्रहरीले जानकारी दिएको छ ।
घटनामा प्रहरीले पर्साको पोखरीया नगरपालिका ८ का राजकुमार दासलाई नियन्त्रणमा लिएको छ। गोली दासको दाहिने खुट्टामा लागेको छ ।
घाईते अपहरणकारीलाई आजै (बुधबार) जिल्ला प्रहरी कार्यालय पर्सामा पत्रकार सम्मेलन गरेर सार्वजनिक गरीने प्रहरीले जानकारी दिएको छ ।
काभ्रेबाट एक बालक अपहरण गरी अभिभावकसँग फिरौती लिँदै गर्दा पुगेको प्रहरी टोलीलाई पेस्तोल ताकेपछि प्रहरीले दासलाई गोली हानी नियन्त्रणमा लिएको थियो ।