गोरखा समाचारदाता
गोरखा – गोरखा भूकम्पपछि ४ रेक्टर स्केल भन्दा माथिका ५ सय भन्दा बढी परकम्प गई सकेको छ ।
राष्ट्रिय भूकम्प मापन तथा अनुसन्धान केन्द्रका अनुसार २०७२ वैशाख १२ गते गएको भूकम्पपछि ४ रेक्टरस्केल भन्दा माथिका ५३५ परकम्प गएको हो ।
ठूलो भूकम्पपछि बेलाबेलामा आउने परकम्पका कारण ठूलो भूकम्पको जोखिम कम हुने केन्द्रले जानकारी गराएको छ । केन्द्रका अनुसार ०७२ साल बैशाख १२ को बिनाशकारी भूकम्प पछि ४ रेक्टर स्केल भन्दा साना भूकम्पहरु भने ५० हजार भन्दा बढी परकम्प गएको छ ।
गोरखाको बारपाक केन्द्रविन्दु भएर गएको सो भूकम्पले गोरखा लगायत काठमाडौँ, सिन्धुपाल्चोक, काभ्रेपलाञ्चोक, धादिङ, नुवाकोट, रसुवा, दोलखा, मकवानपुर, चितवन, रामेछाप, ओखलढुङ्गालगायत ४१ जिल्लामा क्षति पुरयाएको थियो ।
भूकम्पबाट थुप्रै ऐतिहासिक तथा भौतिक संरचनामा ध्वस्त भएका थिए । भूकम्पले ८ हजारभन्दा बढी व्यक्तिको ज्यान गएको थियो ।