गोरखा समाचारदाता
धनगढी – बझाङमा निर्माणाधीन एक जलविद्युत आयोजनामा आईतबार देखी फसेका ३ मजदुर मृत फेला परेका छन । १ जना मजदुरको अहिले सम्म पनि अवस्था अज्ञात रहेको छ ।
आईतबार सुरुङ भित्र काम गर्न जाने क्रममा ट्याक्टरबाट खसेका उनीहरुको झण्डै ९ सय मिटरभित्र मृत अवस्थामा फेला परेको बझाङका प्रजिअ उमेश पाण्डेले बताए ।
प्रजिअ पाण्डेका अनुसार उद्धारका लागि हेलिकप्टर मार्फत काठमाडौंबाट आएको विज्ञसहितको टोलीले ३ जना मजदुरको शव सुरुङबाट बाहिर निकालेका थिए । एक जना मजदुर सुरुङभित्रै फसेकाले उनीहरु उद्धारमा खटिई रहेका छन । उद्धार गरिएका तीन जना मजदुरको मृत्यु अक्सिजनको कमिका कारण निसास्सिएर भएको हुन सक्ने अनुमान गरीएको छ ।
स्थानीय स्तरबाट मजदुरलाई उद्धार गर्न नसकेपछि काठमाडौंबाट प्राविधिक टोली झिकाइएको हो ।