गोरखा समाचारदाता
रौतहट – बम विष्फोट घटनामा घाईते सबैलाई इटा भट्टामा जिउदै जलाएको अभियोगमा पूर्व मन्त्रि आफताब आलमलाई जन्म कैदको माग दावी सहित आज मुद्वा गर्दा गरीएको छ । आलम लगायत ११ जना विरुद्ध मुद्दा दर्ता भएको हो ।
२०६४ साल फागुन २७ गते चुनाव प्रसारको क्रममा रौतहटमा भएको बम विष्फोटमा घाइते भएकाहरूलाई जिउँदै इटा भट्टामा जलाएको अभियोगमा आलमलाई सरकारी वकिलको कार्यालय रौतहटले जन्म कैद समेतका माग गरी तीनवाट छुट्टाछुटै मुद्दा दर्ता गराएको छ ।
कर्तव्य ज्यान मुद्दा, ज्यान मार्ने उद्योग र विष्फोटक पदार्थ नियन्त्रण ऐन अन्तगर्त जिल्ला अदालत रौतहटमा आलम सहित अन्यका विरुद्व मुद्दा दर्ता भएको हो । सो मुद्दा जिल्ला सरकारी वकिलको कार्यालयका रौतहटका तर्फबाट खडिन्द्र कटवालले दर्ता गराएका हुन ।
आलमको बयान भने भोलिबाट शुरु हुने छ । ११ जना प्रतिवादी मध्ये १० जना फरार रहेका छन् ।