गोरखा समाचारदाता
चितवन – केही महिना अगाडी चितवनमा ज्ञानेन्द्र शाही माथि आक्रमण गरेको आरोपमा चितवन प्रहरीले १ जनालाई पक्राउ गरेको छ ।
नेपालका लागि नेपाली अभियानमा संलग्न शाहीलाई कुटपिट गरेको आरोपमा प्रहरीले भरतपुर ११ बाट अबिरल पोखरेललाई पक्राउ गरेको हो ।
असोज ११ गते भरतपुरको चौविसकोठी नजिक माइक्रोबसमा सवार शाहीमाथि युवाहरुको एक समूहले आक्रमण अन्धाधुन्द आक्रमण गरेका थिए । घटनामा संलग्न भएको भन्र्दै पोखरेललाई पक्राउ गरीएको चितवनका प्रहरी उपरिक्षक दानबहादुर मल्लले बताए ।
शाहीमाथि आक्रमणको आरोपमा एक साताअघि चितवन प्रहरीमा किटानी जाहेरी परेको थियो । सोही जाहेरीको आधारमा प्रहरीले आक्रमणमा संलग्नहरुको खोजी गरिरहेको थियो।
यसअघि उजुरी नै नपरेको भन्दै प्रहरीले खोजी गरेको थिएन । प्रहरीले संलग्नहरुको पहिचान नभएको बताउँदै आएको थियो ।