गोरखा समाचारदाता
बझाङ – बझाङमा निर्माणाधिन एक जलविद्युत आयोजनाको सुरुङमा आईतबार देखी फसेका ४ जना मजदुरको उद्वार प्रयास जारी छ ।
कालंगागाड जलविद्युत आयोजनाको मजदुरहरु विदा सकिएपछि कामका लागि आइतबार दिउसो सुरुङ गएको बेला फसेका थिए ।
ट्याक्टरमा सुरुङ्ग भित्र गएका दैलेखका कर्णबहादुर शाही र महेन्द्रबहादुर शाही, अछामका महेन्द्र साउद र बझाङका शेरसिंह धामी भित्रै फसेका हुन् । सुरुङको विच भागमा पुगेपछि उनीहरु बेहोस भएर ट्याक्टरबाट खसेका थिए ।
घटनास्थलमा पुगेका नेपाल प्रहरी, शसस्त्र प्रहरी, नेपाली सेना र स्थानीयबासीले उद्धारको प्रयास गरे पनि सफल हुन सकेको छैन । उद्धारका लागि सशस्त्र प्रहरीले काठमाण्डौंबाट हेलिकोप्टर मार्फत गोताखोर ल्याई सकेको छ ।