गोरखा समाचारदाता
गोरखा – गोरखाको ठाटीपोखरी क्षेत्रमा सिंगुस नामक किराले चिल्दा ६ जना घाईते भएका छन । गंभिर २ जनालाई भने उपचारको लागि भरतपुर लगिएको छ ।
इलाका प्रहरी कार्यालय ठाटीपोखरीले दिएको जानकारी अनुसार पालुङटार नगरपालिका ४ को अल्का चिलाउनेका स्थानियलाई जंगल गएको बेला दिउसो २ बजे अचानक सिंगुसले आक्रमण गर्दा पालुङटार नगरपालिका ४ बस्ने ७३ बर्षिय सन्तबहादुर भट्ट, ४१ बर्षिया निर्मला वि.क., ५८ बर्षिया फुलमायाँ गुरुङ्ग, ७४ बर्षिय हिमकान्त रानाभाट, ५५ बर्षिय दिपक अधिकारी र १८ बर्षका सुसिल गुरुङ्गलाई चिल्दा घाईते भएका हुन ।
घाईते मध्ये ४१ बर्षिया निर्मला विक र ५५ बर्षिय दिपक अधिकारीको अवस्था अलि गंभिर देखिए उपचारको लागि भरतपुर पठाइएको छ । अन्यको भने स्थानिय मेडिकलमा नै उपचार भई रहेको ईप्रका ठाटीपोखरीले जानकारी दिएको छ ।