गोरखा समाचारदाता
गोरखा – मनकामना दर्शन प्रालिद्वारा सञ्चालित केबल कारमा गएको ३ महिनामा २ लाख हाराहारीले यात्रा गरेको छ ।
चितवनको चेरेश देखी गोरखाको मनकामना मन्दिर सम्म पुग्ने केबलकारको आर्थिक बर्ष २०७६/०७७ को पहिलो तिन महिनामा १ लाख ८० हजार ४०० यात्रुले यात्रा गरेको मनकामना दर्शन प्रालिका नायव महाप्रवन्ध डिएन कास्थले बताए ।
दशैंको चाढ सकिने वित्तिकै मनकामना दर्शन गर्न जानेहरुको भिड नै लागेको छ । केही साता यता देखी दैनिक जसो मन्दिर दर्शनका लागि केबलकारको यात्रा गर्नेहरुको लार्को सहजै देख्न सकिन्छ । सामान्यतया बर्षा पछिको असोज देखी फागुन सम्म मन्दिर जानेहरुको भिड लाग्नु स्वाभाविक नै मान्निछ ।
त्यस माथि पनि गर्मी छल्न र धार्मिक उद्वेश्यका साथ भारतको विभिन्न शहरबाट नेपाल आएका भारतीहरुले समेत यही मौषमा मनकामनाको दर्शन गर्ने गर्दछन । नायव महाप्रबन्धक कायस्थका अनुसार गएको तिन महिनामा मात्रै ५३ हजार भन्दा बढी भारतीयहरुले केबलकारको यात्रा गरेर मनकामना दर्शन गर्न पुगेका छन ।
केबलकारको यात्रा गरी मनकामना दर्शन गर्न जानेको संख्यामा बृद्वि संगै प्रालिले गत बर्ष मात्रै ३ वटा गोन्डोला थप गरेको थियो । बर्षेनी केबलकारको यात्रा गरी मनकामना दर्शन गर्नेहरुको सख्यामा बृद्वि संगै प्रालिले यात्रुको सेवा, सुविधा र सुरक्षालाई ध्यान दिदै सेवा स्तरलाई वृद्वि गरेको छ ।
केबलकारमा यात्रा गर्ने नेपालीहरुले प्रति ब्यक्ति ६७५ रुपैयाँ भूक्तानी गर्नु पर्छ भने सार्क राष्ट्रका यात्रुहरुले ८४० रुपैयाँ र तेस्रो मुलुकका मानिसहरुले प्रति ब्यक्ति २० डलर भूक्तानी गनुपर्ने हुन्छ ।
