गोरखा समाचारदाता
गोरखा – पश्चिमी वायुको प्रभावले देशभर आंशिक देखि सामान्य बदली भई चिसो बढेको छ ।
बिहानै देखि देशभरकै मौसम बदली हुनका साथै केही स्थानमा पानी पर्ने अनुमान मौसम पूर्वानुमान महाशाखाले गरेको छ । देशका पूर्वी र पहाडी भू–भागका एक÷दुई स्थानमा हल्का वर्षाको सम्भावना रहेको मौसम पूर्वानुमान शाशाले जनाएको छ ।
मौसमविद्का अनुसार पश्चिमबाट आएको वायुले केही ठाउँमा सामान्य र केही ठाउँमा बाक्लो बादल लागेको छ । आज दिनभरि नै मौसम धुम्म रहने मौसमविद् गंगा नगरकोटीले जानकारी दिए ।
मनसुन बाहिरिएसँगै निरन्तर तापक्रम घट्नेक्रम शुरु भएकाले चिसो महसुस भएको मौसमविद् नगरकोटीले बताए । राति देशका पूर्वी भू–भागमा आंशिकदेखि सामान्य बदली रही मध्य तथा पश्चिमी भू–भागमा आंिशक बदली भई मध्यपहाडी भू–भागका एक÷दुई स्थानमा वर्षाको सम्भावना रहेको महाशाखाले जनाएको छ ।