गोरखा समाचारदाता
गोरखा – गोरखा सदरमुकामको छेवेटार बजारबाट ३ लाख मुल्य बरावरको सालको काठ बरामद गरीएको छ ।
गोरखा नगरपालिका १० को छेवेटार बजारको सानो बगैचामा वेवारीसे अवस्थामा रहेको २० वटा सालको बल्लाबल्ली (सानो आकारको काठ) वरामद भएको डिभिजन बन कार्यालय गोरखाले जानकारी दिएको छ ।
बरामद भएको सालको उक्त बल्लाबल्ली अनुसार २ लाख ७२ हजार ७०० बरावरको बजार मुल्यको भएको सहायक बन अधिकृत तथा डिभिजन बन कार्यालय गोरखाका सूचना अधिकारी महेश पौडेलले बताए ।
बिहीबार साँझपख वेवारीसे अवस्थामा सानो बगैचामा देखिएको उत्त सालको काठको बिषयमा कार्यालयलाई प्रहरीले सूचना दिएको थियो ।
सूचना पाउनासाथ कार्यालयले गोरखकाली सब डिभिजन बन कार्यालय १२ किलोलाई खबर गरेको र सबै काठ अहिले सब डिभिजन कार्यालयमा राखीएको छ ।
बरामद काठ ४५.४५ क्यू फिट रहेको गोरखकाली सब डिभिजन बन कार्यालय १२ किलाले जानकारी दिएको छ । सरकारी दररेट प्रति क्यू फिट ५०० रुपैयाँ भएता पनि बजारमा सालको काठको मुल्य प्रति क्यू फिट ६ हजार रुपैयाँ सम्म बिक्री हुने गरेको छ ।
काठ सहित मानिस फेला नपरेकोले आम्दानीमा बाधेर प्रकृया पुरयाई लिलामी गर्ने कार्यालयले जानकारी दिएको छ । उत्त परिणामको काठ कसले र किन ल्याएर वेवारीसे अवस्थामा राखेको हो सो को बिषयमा सब डिभिजन कार्यालयले अनुसन्धान सुरु गरेको छ ।