गोरखा समाचारदाता
गोरखा – के तपाई नियमित मादक पदार्थ नियमीत रुपमा पिउने गर्नुहुन्छ ? वा कहिले कहिले मात्रै पिउने गर्नुहुन्छ ? सधै पिउदिन भन्ने भन्ने तपाईको उत्तर हो भने र कहिलेकाहीँ मात्र पिउँछु र पिएको बेलामा धेरै पिउँछु भन्ने हो भने तपाई गलत सावित मात्र होइन त्यसले तपाईलाई धेरै असर गर्छ भन्ने वैज्ञानिकहरुले पुष्टी गरीदिएको छ ।
युरोपेली हृदयरोग चिकित्सक समाजद्वारा प्रकाशित ‘इपी युरोपेस’ मार्फत् सार्वजनिक भएको प्रतिवेदनले तपाईले नियमीत रुपमा थोरै थोरै मादक पदार्थ पिउने गनुभएको छ भने कहिले काहि पिउनेको भन्दा स्वास्थ्य हुनु हुन्छ र कम असर गर्छ भन्ने पुष्टी गरीदिएको छ ।
अध्ययनका लेखक तथा कोरियाली विश्वविद्यालयका डा.जोङ द्वितीय चोइले मादक पदार्थको सेवनको मात्रा र नियमिततालाई केन्द्रित गरेर अध्ययन गरिएको बताएका छन्।
मादक पदार्थ थोरै थोरै नियमित सेवन गर्नेभन्दा कहिले कहिले धेरै सेवन गर्नेलाई बढी असर गर्ने गरेको पाइएको अध्ययनबाट थाहा भएको उनको भनाइ छ।
उनले अनियमित सेवनबाट मुटुमा धेरै असर गरेर मुटुसम्वन्धी समस्याहरू बढी सृजना गर्ने गरेको पनि बताए। उनका अनुसार अनियमितताले मुटुको धड्कन बढ्ने, नाडीको रफ्तारलाई बढाउने वा अनियमित बनाउने, स्याँ स्याँ हुने, धेरै थकाई लाग्ने, छाती दुख्ने र चक्कर लाग्नेजस्ता समस्या उनीहरूमा देखिने गरेको छ।
मानिसलाई गर्ने क्षतिमा मादक पदार्थको कुल मात्रा वा मादक पदार्थ सेवनको कुल सङ्ख्यामध्ये कुन कुराले मुख्य भूमिका खेल्छ भन्ने दावीसाथ भन्न भने अझै नसकिने विश्लेषण पनि गरीएको छ।
अध्ययनकर्ताहरुले यो सर्वेक्षणमा ९७ लाख ७६ हजार ९ सय ५६ जनालाई सहभागी गराइएको जानकारी दिएका छन्। सन् २००९ देखि सुरु भएको अध्ययन सन् २०१७ सम्म चलेको थियो।
