गोरखा समाचारदाता
गोरखा – गैरआवसीय नेपाली संघ (एनआरएनए) को नवौं विश्व सम्मेलनबाट गोरखाका कुमार पन्तल विजयी अध्यक्षमा चुनिएका छन ।
पन्तका प्रत्यासी कूल आचार्यलाई १४७ मत अन्तरले पराजित गरी पन्त विजयी भएका हुन । पन्तले १ हजार २१७ मत ल्याए भने आचार्यले १ हजार ७० मत ल्याएका थिए ।
महिलासहित ५ उपाध्यक्षमा भने मिश्रति परिणाम आएको छ । खुलातर्फ पन्त समूहका बद्री केसीले १ हजार १६३ मत ल्याएर विजयी भएका छन भने अर्का उपाध्यक्ष अर्जुनकुमार श्रेष्ठ १ हजार २७०, सोनाम लामा ८९८ र आचार्य समूहका मन केसीले ९६१ मत ल्याएर विजयी भएका छन् ।
महिला उपाध्यक्षमा पनि आचार्य समूहकै रविना थापा विजयी भएकी छिन । उनले १ हजार २२१ मत ल्याएर विजयी भएकी छिन् ।
यस्तै २ सचिवमा गौरीराज जोशीले ९१६ र आरकेशर्माले ८६८ मत ल्याएर विजयी भएका छन् ।
कोषाध्यक्षमा महेसकुमार श्रेष्ठ १ हजार ६५३ मत ल्याएर विजयी भए भने सह कोषाध्यक्षमा लोकप्रसाद दाहाल १ हजार १८४ मत ल्याएर विजयी भएको छ।
महिला संयोजकमा भोमादेवी लिम्बु ७०२, युवा संयोजकमा हिमाल गुरुङ ७६८ मत ल्याएर विजयी भएका छन् ।