गोरखा समाचारदाता
गोरखा – जिल्लाका दुई मृर्गाैला पिडितलाई आर्थिक सहयोग गरिएको छ । नेपाल लेखापढी कानून व्यवसायी एसोसियसन गोरखाले २५ औं स्थापना दिवशको अबसरमा जनही १०/१० हजार सहयोग गरेको हो ।
दुबै मृर्गौलामा खराबी आएपछि उपचारत भीमसेन थापा गाउँपालिका–६ अश्राङकी सीता लम्साल र गोरखा नगरपालिका–३ नारेश्वरकी पम्फा श्रेष्ठको परिवारलाई उक्त रकम हस्तान्तरण गरिएको हो । ‘हाम्रो धर्म शास्त्रमै आफ्नो कमाईको केही अंश दीन दुखीःलाई दान गर्नुपर्छ भनेको छ’ लेखापढी कानून व्यवसायी एसोसियसन गोरखाका अध्यक्ष हरिप्रसाद पोखरेलले भने ‘सोही अनुरुप हामीले पनि पेशागत धर्म निर्वाह गरेका हौं ।’
एसोसियसनमा आवद्ध सदस्यहरुबाट संकलन गरिएको उक्त रकम एक कार्यक्रमका बीच मंगलबार जिल्ला समन्वय समितिका प्रमुख असोककुमार गुरुङ र सहायक प्रमुख जिल्ला अधिकारी तुलसीराम पौडेलले पिडितको परिवारलाई हस्तान्तरण गरेका हुन् । ‘हामी सबैले यसरी सहयोग गर्न सक्यौं भने आर्थिक अभावका कारण मृत्यु शैयामा छट्पटाएका धेरै विरामीको ज्यान बचाउन सकिन्छ’ जिल्ला समन्वय समितिका प्रमुख गुरुङले भने ‘लेखापढी व्यवसायी साथीहरुको प्रयास सरानिय छ ।’
कार्यक्रम बोल्दै मृर्गौला पिडित सीता लम्सालका छोरा सुनिल लम्सालले आमाको ज्यान बचाइदिन सबैलाई आग्रह गरेका छन् । ‘उपचार गर्ने पैसा नभएर मेरा आमाको ज्यान जोखिममा छ’ उनले भने ‘सबैले जे सकेको सहयोग गरिदिनु भए ज्यान बचाउन सकिन्थ्यो कि ?’ सुनिलले आमालाई पोखराको फिस्टेल अस्पतालमा डाइलासिस गराइरहेका छन् । आर्थिक रुपमा निकै विपन्न उक्त परिवारलाई अहिले नियमती डाइलसिस गराउन समस्या भएको छ ।
ज्याला मजरदुरी गरेर परिवार पाल्दै आइरहेका गोरखा नगरपालिका–३ नारेश्वरका पृथ्वीनारायण श्रेष्ठको पिडा पनि उस्तै छ । एक्कासी श्रीमती पंफाको दुबै मिगौंलाले काम नगर्ने भएपछि पृथ्वीनारायण उपचार खर्च जुटाउन मुस्किल भएको छ । ‘एक पटकमा ३०/४० हजार खर्च हुँदो रहेछ, आफू ज्याला मजदुरी गरेर पेट पाल्ने मान्छे यत्तिको रकम कसरी जुटाउनु’ उनले भने ।
उहाँले आर्थिक सहयोगका लागि याचना गर्नुभएको छ । दुबै मिगौंला पिडितको उपचारका लागि ५ लाख भन्दा बढि रकम आवश्यक रहेको पिडित परिवारले बताएका छन् । कार्यक्रममा गोरखा नगरपालिका-६ का वडा अध्यक्ष नारायणप्रसाद पोखरेल, एसोसियसनका केन्द्रिय सदस्य एवं जिल्ला समितिका सल्लाहकार ईश्वर मरहट्टा, गण्डकी प्रदेश सदस्य ऋषिराम देवकोटा लगायतले मन्तव्य राखेका थिए ।
उनीहरुको उपचारमा सहयोग गर्न जिल्लाको विभिन्न सामाजिक ब्यक्ति तथा संघ संस्थाहरुले रकम संकलन अभियान सुरु गरेका छन ।