- महरा र रोशनीको फरेन्सिक जाँच
गोरखा समाचारदाता
गोरखा – बलात्कार भएकी भनिएकी रोशनी शाहीको शरिरमा लागेको चोट कुटपिटबाट भएको फोरेन्सिक जाँचबाट पुष्टी भएको छ ।
निवर्तमान सभामुख कृष्णबहादुर महराबाट बलात्कार प्रयासको भनिएकी शाहीको अनुहारमा लागेको चोट त्रिवि शिक्षण अस्पताल महाराजगन्जमा गरिएको फरेन्सिक जाँचबाट उनी आफैंले नभएर अरु कोही व्यक्तिले कुटपिट गरेका कारण भएको देखिएको हो।
प्रहरीले रोशनीलाई असोज १७ गते त्रिवि शिक्षण अस्पताल लगेर स्वास्थ्य परीक्षण गराएको थियो । शाहीको उत्त फरेन्सिक जाँच प्रतिवेदन अस्पतालले प्रहरीलाई बुझाई सकेको छ ।
रोशनीमाथि बलात्कार प्रयास आरोपमा निवर्तमान सभामुख महरा असोज १९ गते बालुवाटारस्थित सभामुखको सरकारी निवासबाटै पक्राउ परेका थिए । पक्राउ परेकै दिन राति उनको पनि त्रिवि शिक्षण अस्पतालमै स्वास्थ्य परीक्षण गरिएको थियो । उनको फरेन्सिक जाँचसमेत गरिएको थियो ।
तस्बिर गुगल