गोरखा समाचारदाता
गोरखा – कास्कीको चालिसे डाँडाबाट ६ लाख रुपैयाँ भन्दा बढी नगद सहित १५ जुवाडे पक्राउ परेका छन । रेष्टुरेन्टमा खेलीरहेका उनीहरुलाई प्रहरीले घेरा हाली नियन्त्रणमा लिएका थिए ।
कास्की प्रहरी कार्यालयले दिएको जानकारी अनुसार आईतबार राती १० बजेको समयमा पोखरा महानगरपालिका १८ को चालिसे डाँडामा रहेको एक रेष्टुरेन्टमा जुवा खेली रहेको जानकारी पाए लगत्तै प्रहरीको टोलीले रेष्टुरेन्ट घेराहाली कौडा खेली रहेका १५ जना र उनीको साथमा रहेको ६ लाख १० हजार बरामद गरेको थियो ।
कौडाको खालबाट ३२ थान कौडा समेत प्रहरीले बरामद गरेको छ । प्रहरीले नियन्त्रणमा लिने क्रममा पोखरा महानगरपालिका ६ खहरेका विमल देवकोटा भाग्ने क्रममा बाटोमा लड्दा घाईते भएका कारण उनको पोखरा स्थित मेट्रोसिटी अस्पतालमा उपचार भई रहेको प्रहरीले जानकारी दिएको छ ।
पक्राउ परेका सबैलाई सोमबार जुवा ऐन अन्तरर्गत मुद्वा दर्ता गरी थप अनुसन्धान भई रहेको कास्की प्रहरीले जानकारी दिएको छ ।
तस्बिर गुगल