गोरखा समाचारदाता
गोरखा – प्रहरी दिवशको अवशरमा पोखराको छोरेपाटनमा रहेको मानव सेवा आश्रमलाई नेपाल प्रहरी श्रीमती संघले खाद्यान्न सामाग्री सहयोग उपलब्ध गराएको छ ।
नेपाल प्रहरी गण्डकी प्रदेशका अध्यक्ष पार्वती शर्मा घिमिरेको नेतृत्वको टोलीले आश्रमको कार्यालयमा पुगी खाद्यान्न सहयोग उपलब्ध गराएको हो ।
संघले विभिन्न चाढपर्वमा देउसी भैलो तथा महोत्सवमा स्टल राखी आएको नाफाबाट मानविय सेवा कार्य गर्दै आएकोमा यस पटक भने मानव सेवा आश्रमलाई सहयोग गरीएको संघकी अध्यक्ष घिमिरेले बताईन ।
आश्रमलाई प्राप्त भएको सहयोगको कुनै तुलना नभएको भन्दै आगामी दिनमा पनि यस्तै सहयोग जारी राख्न आश्रमका सहयोगिहरुले अनुरोध गरेका थिए ।