गोरखा समाचारदाता
गोरखा – नेपाली फिल्म ‘बादशाह जुट’ को ट्रेलर प्रति नेपाल मुस्लिम संघले आपत्ती जनाएको छ । केहि दिनअघि मात्रै रिलिज गरिएको सो फिल्मको ट्रेलरको सुरुवातमै मुस्लिम समुदायको आस्थामाथी ठेस पुरयाउने दृश्य र आवाज राखिएको भन्दै संघले गम्भिर आपत्ति जनाएको हो ।
ट्रेलरमा इस्लाम धर्मावलम्बीहरुको नमाज अघि प्रयोग गरिने अजान राखिएको र सो दृश्य आतंकबादसंग जोडिएको प्रति संघका केन्द्रिय अध्यक्ष अब्दुल सत्तारको गम्भिर ध्यानाकर्षण भई केहि दिनअघि नै टेलिफोन मार्फत निर्माता र निर्देशकलाई आग्रह गरेका थिए । ‘ट्रेलरमा भएको दृश्यले मुस्लिम समुदायको आस्थामाथी प्रहार भएको छ’ अध्यक्ष सत्तारले भने ‘अजानको आवाजलाई आतंकबादसंग जाडेर समाजमा भ्रम सृजना गर्न खोजियो, यो हाम्रो लागि सह्यै कुरा होइन, तत्काल सच्याउन जरुरी छ ।’
आतंककारीको कुनै जात वा धर्म नहुने भन्दै जबरजस्त इस्लाम धर्मलाई सो दृष्यमा जोडिनु दुखद भएको सत्तारको भनाई छ । केहि दिनअघि नै निर्माता तथा निर्देशकले हटाउने प्रतिवद्धता जनाएपनि हालसम्म नहटाइएको प्रति संघको गम्भिर ध्यानाकर्षण भएको जनाएको छ ।
आगामी कार्तिक १५ गतेदेखि रिलिज हुने भनिएको सो फिल्मको निर्देशन जोनी सिंह रानाले गरेका हुन् भने हर्क बहादुर कुवँर र भोजराज श्रेष्ठ निर्माता छन् ।
सोही ट्रेलरलाई लिएर नेपाल मुस्लिम संघ गण्डकी प्रदेश कमिटीले एक विज्ञप्ती जारी गर्दै ध्यानाकर्षण भएको जनाएको छ ।
संघका गण्डकी प्रदेश सभापति शाह मोहम्मद मियाँद्धारा हस्ताक्षरित ध्यानाकर्षण पत्रमा लेखिएको छ ‘युट्युव, सामाजिक सञ्जालमा प्रकाशन प्रश्चात जातिय रुपमा आँच आउने, समाजमा विभेद हुने, जातिय हिंशा हुने, नेपाली समाजमा मिलेर बसेका सबै जातजातिलाई दोषारोपण हुने खालको ट्रेलरले विभेदकारी चेतना र भ्रम फैलाउने भएकाले तत्काल सो चलचित्रका त्यस्ता दृश्यहरु परिमार्जन गर्न अनुरोध छ ।’
त्यस्तै मियाँले यसअघि नै मौखिक रुपमा निर्देशक र निर्माताबाट हटाउने आश्वासन आएपनि हालसम्म नहटेको प्रति ध्यानाकर्षण भएको बताएका छन् ।
ट्रेलरमा अजानको आवाजसंगै मुस्लिम जस्ता देखिने मान्छे प्रयोग गरी ‘आइएसआइ’ जिन्दावाद जस्ता नारा लगाउदै हातहतियारको समेत प्रयोग गरिएको देखाइएको छ ।
ध्यानाकर्षण पत्र
