गोरखा समाचारदाता
गोरखा – नवलपरासीको बुलिङटार गाउँपालिकामा जीप दुर्घटना हुँदा १ जनाको मृत्यु भएको छ । दुर्घटनामा परी ४ जना घाइते समेत भएका छन् ।
शुक्रबार साँझ पाल्पाको रामपुरबाट नवलपरासीको दलदलेका लागि छुटेको ग. १ ज ६५ ०५ नम्बरको जीप बुलिङटार गाउँपालिका–६, स्थित निरन्दीखोलामा दुर्घटना हुँदा नवलपरासी देवचुली नगरपालिका–४ बस्ने हरि अधिकारी क्षेत्रीको मृत्यु भएको हो ।
दुर्घटनामा परी गम्भीर घाइते हुनुभएका क्षेत्रीको उपचारको क्रममा पोखरा मनिपाल कलेजमा शुक्रबार राति मृत्यु भएको हो।
दुर्घटनामा परी देवचुली–१० का आशिस खनाल, सूचना पाण्डे, देवचुली–१ का पवन तिवारी र सङ्गीता पोखरेल घाइते भएका छन् ।
घाइते चारै जनाको नारायणी सामुदायिक अस्पताल भरतपुरमा उपचार भइरहेको प्रहरीले जनाएको छ ।