गोरखा समाचारदाता
गोरखा – दशैं मनाएर काठमाडौं तर्फ फर्कदै गरेको बस दुर्घटना हुदा चालकसहित कम्तीमा ११ जनाको मृत्यु भएको छ । घाइतेहरुको उद्धारका लागि हेलिकप्टर घटनास्थलमा पुगेको छ ।
सिपाटारबाट काठमाडौँ जाँदै गरेको बा. २ ख २७१५ नम्बरको बस दुर्घटना हुदा ६ जनाको घटनास्थलमा र ५ जनाको स्थानीय स्वास्थय संस्थामा उपचारको लागि लैजादै गर्दा बाटोमा नै मृत्यु भएको हेलम्बु यातयात समितिकाले जानकारी दिएको छ ।
दुर्घटना ग्रस्त बस भित्रै पनि ३ जना च्यापिएर समितिले जानकारी दिएको छ । च्यापिएर रहेकाहरुलाई निकाल्नका लागि स्काभेटर लगिएको छ ।
कच्ची सडकको तिखु मोडबाट बस करिब २ सय मिटर तल पुगेको इन्द्रावती ८ का वडा अध्यक्ष मने माझीले जानकरी दिए ।
दुर्घटनामा मृत्यु हुनेमा चालकसहित अन्य एक जनाको मात्रै सनाखत भएको छ । सनाखत भएका मध्ये सिपाटारका विनोद लम्साल रहेका छन् । त्यस्तै बनेपा निबासी चालक केदार माझुको पनि दुर्घटनामा मृत्यु भएको छ ।
छतमा समेत यात्रु राखेर यात्रा गराएकोले उत्त बसमा यात्रा गर्नेहरुको संख्या ७० भन्दा बढी भएको अनुमान गरीएको छ ।
